چۆن دەستنوێژ دەشۆی:

 یەکەمجار دەبێ نیاز و مەبەستت وابێ، کە تۆ دەستنوێژ هەڵدەگری و بڵێ: بسم الله

 دووەمجار: هەردوو دەستەکانت تا مەچەکت دەشۆی.

 سێیەمجار: سێ جاران ئاو لە دەمت وەردەدەیت.

 چوارەمجار:لووتت پاکژ بکەرەوە و سێ جاران ئاوی تێ وەردە.

 پێنجەمجار: سێ جاران روخسارت (دەم و چاوت) بشۆ لە (ڕووانی مووی سەرەوە تا ژێر چەناگە) و لە
  (نەرمەی گوێوە بۆ نەرمەی گوێ).

 

 شەشەمجار: سێ جاران باسکەکانت، تا ئەنیشکت دەشۆی، باسکی ڕاستت ئینجا باسکی چەپت.

 

 حەوتەمجار: دەستی ڕاستت تەڕ بکە و بەسەر پرچی سەرت دابهێنە. ئەم کردەیە پێی دەڵێن "مەسحی سەر".

 هەشتەمجار:بەدەستی تەڕ هەردوو گوێچکەکانت پاکژ بکەوە.

 نۆیەمجار : سێ جاران هەردوو پێیەکانت، تاسەرەوەی گۆزینگەکانت (قولە پێ) بشۆ، پێی ڕاستت ئینجا پێی چەپت.

 دوای ئەوەی دەستنوێژت شوشت ڕوو لە قیبلە بکە و بڵێ : ( أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ‏ ‏مُحَمَّدًا‏‏عَبْدُهُ وَرَسُولُهُ اللَّهُمَّ اجْعَلْنِي مِنْ التَّوَّابِينَ وَاجْعَلْنِي مِنْ الْمُتَطَهِّرِينَ).

واتە: شایەتی دەدەم کە خودا تاک و تەنیایە و ، محمد یشپێغەمبەر و بەندەی خودایە. خودایە! منیش بخەیە ڕیزی تۆبەکار و گوناح هەڵوەریوەکانەوە.


 تێبینی: سوننەتە دوای دەستنوێژ دوو رکات نوێژ بکەیت.